SAALDA Manifestua

Diru-gose hutsak gidatzen dituen enpresa gehiegi dago munduan. Ez nuen nahi halako enpresa bat gehiago sortzerik.

Ez du ardura zein forma juridiko duen enpresak. Dirua irabaztea beste helbururik ez dagoela dirudielako.

SAALDA desberdina izateko asmoz sortu dut. Arraroa izateko asmoz.

Irabazi guztiak emango dizkiogu Gobernuz Kanpoko Erakunderen bati eta bezeroek aukeratuko dute nor lagundu.

Mundua ez dago bere onenean eta laguntza pixka bat behar du zauriak goxatu eta sendatzeko.

Irabaziak?

Irabaziak = salmentak – gastuak.

Puntu.

Saltzen dugunari kendu diezaiogun gastatzen duguna, eta, hara, hortxe irabaziak.

Bi hilean behin ikusiko dugu zer saldu dugun, zeintzuk izan diren gure gastuak eta irabaziak kalkulatuko ditugu.

Ipuinik gabe.

Nori?

Bezeroek proposatu eta aukeratuko dute nori emango dizkiogun irabaziak. Ekimen honen arrarotasun bat gehiago.

Ez dut nik izan nahi aukeraketa horren zama.

Mundua toki pixka bat hobea bilakatzeko ahaleginean diharduten egitasmo eta erakundeak lagundu nahi ditugu. Balio hauekin bat egiten duten erakundeak lagunduko ditugu.

2024ko urtarrilean martxan jarri ginenetik hiru bider burutu dugu dohaintza nori egin aukeratzeko prozesua:

Gure lehen donazioa urtarrileko eta otsaileko irabaziekin egin genuen, Aita Mari – Salvamento Maritimo Humanitario eta Aspanogi babestuz.
Bigarren dohaintza martxoko eta apirileko irabaziak Zaporeak elkarteari ematen egin genuen.
Hirugarrena AECMM elkarteari egin diogu, maiatzeko eta ekaineko irabaziak ematen.

Prozedurak eta arauak

Bezeroei galdetuko diegu zein egitasmo proposatzen dituzten laguntza jasotzeko.
Proposamen hauek jaso, SAALDAren balioekin bat egiten duten ziurtatu eta bezeroei eskatuko diegu bat bozkatzeko.
Bezero bakoitzak bozka bat izango du eta egitasmo bakarra aukeratu ahal izango du.
Bozka gehien jaso duen egitasmoa izango da irabaziak jasoko dituena.
Egitasmo batek urtean behin soilik jaso ahal izan du laguntza.
Adibidea:
1. Otsaileko lehen egunetan bezeroen proposamenak jasotzen ditugu.
2. Proposamenak jaso, beharrezkoa bada balioekin bat egiten ez duena kendu, eta bozketarako prest uzten dugu zerrenda.
3. Otsaila erdialdean bozkatuko dute bezeroek.
4. Martxo hasieran urtarrilean eta otsailean izandako irabaziak kalkulatuko ditugu.
5. Martxo hasieran egingo diogu ekarpen ekonomikoa aukeratutako egitasmoari.

Balioak, SAALDA manifestua

Erresilientzia: (gastatutako hitza, barkatu). Optimista burugogorrak gara, idealistak akaso. Kolpeen aurrean jaikitzen gara eta irribarre batekin egiten dugu aurrera.
Optimismoa: munduan hamaika mila gauza txar daude. SAALDArekin ez dut xalotasunean erori nahi, baina optimismo pixka bat transmititu nahi dut, irribarre egin dezakegula.
Esperantza: etorkizun hobea eraiki dezakegu, gure esku dago.
Konpromisoa: gure buruarekin eta gure inguruarekin konprometitu gaitezke. Gure esku dauden gauzen ardura hartu.
Zintzotasuna: hornitzaileekiko, bezeroekiko zein gizartearekiko. Ez dago gezurrik, ez diogu golik sartuko inori. Errentagarria izan nahi du proiektu honek, baina denontzat izan dadila errentagarria (langile, bezero eta hornitzaileentzat ere bai), ez soilik akziodun batentzat.
Koherentzia: ahal den koherenteenak izatea gure buruarekin. Kontraesanak dauzkat, dauzkagu, eta izango ditugu. Baina horietaz kontziente izan eta kontraesanak gutxitu/murriztu beharko nituzke.
Apaltasuna: ojo, proiektu honek ez du mundua eraldatuko, ez dio inori bizitza aldatuko. Ez gara hain handiak. Ez dut nire burua hainbeste maite eta proiektu honek bere burua ez dezala hainbeste maite. Apaltasuna. Oinak lurrean, baina zerura begira lana, lana eta lana egin dezagun.
Harrotasuna: gauzak egiteko moduaz harro egon behar gara. Modu horretan dago gure desberdintasuna. Harrokeriarik gabe, harrotasunez beteta.
Komunitatea: bezeroek aukeratuko dute zein proiektu babestu enpresaren etekinekin. Komunitate bat nahi dut sortu bezeroekin (eta hornitzaileekin) batera. Haiek ere proiektuaren parte sentitu daitezela. Haiek ere proiektuaren jabe.
Gardentasuna: zintzotasunak dakar gardentasuna, baita ere. Gardentasun horren baitan datuak partekatuko dira, kontestu baten baitan, eta kontestua emanda erabakiei eta egindakoari.

Zer bilatzen dugu?

Gure irabaziak partekatuta mundua gutxika-gutxika aldatu nahiko genuke. Pixka bat soilik bada ere.

Eta ederra litzateke gure egitasmo xume honek izango balu eragina gu baino handiagoak diren haiengan.

Denok batera lortu dezagun mundua toki pixka bat hobea bilakatzea.

Behi-hezur Saalda

Su txikian hogei orduz egosita prestatzen da gure hezur-salda. Horrela lortzen dugu kolagenoa.

Zure artikulazioak eta azala gaztetzen lagunduko dizu kolagenodun gure saldak.

Osasuntsua da eta mundiala dago.