Hamaika (dohaintza) ikusteko jaioak gara!
Egin berri dugun transferentziarekin, hamaika dira jada SAALDAren bi urte eta erdi hauetan egindako dohaintzak.
Bezeroek proposatu eta aukeratutako elkartea Izan Iñurri da. Bularreko minbizia daukaten emakumeekin jarduten duen elkartea. Ahalduntzean eta akonpainamenduan lan handia egiten dute.
Haiei egin diegu 573 euroko dohaintza.
Duela bi urte haiek izan ziren hautatuak, gure laugarren dohaintzan.
SAALDA proiektua martxan jarri genuenetik egiten dugun hirugarren dohaintza da:
Gure txikian bada zerbait. Mundua toki pixka bat hobea egiteko harri koxkorra 
Hamaikagarren dohaintza honekin, 8.108 euro dira jada dohaintzan eman ditugunak bi urte eta erdian.
Diru hori eskuratzen dugu hezur-salda eta sukaldean egiteko hondoa saltzen lortutako irabaziekin.
Segi gure laguna den dendaren batetara produktu hauek erostera. Ez badituzu gertu, hemen eros ditzakezu gure behi-hezur salda edota sukaldean egiteko hondo iluna.
Gaur goizean ondorengo mezua bidali diet Saaldaren newsletterra jasotzen duten bezeroei (normalean ez dut hemen argitaratzen han idazten dudana, baina gaur merezi duelakoan nago):
Bi urte bete ditu Saaldak.
2024ko urtarrilean piztu genituen Saaldaren dendaren argiak.
SAALDA proiektua martxan jarri nuenean zerbait arina egitea nahi nuen. Motxila arina. Bide luzeagoa egiteko aukera ematen didana. Batzuetan ikusten ditut enpresak non helburu bakarra haztea den: lan-taldea handiak, saltzea beste helbururik ez dutenak. Hazi, hazi eta hazi.
Ez nuen halakorik nahi.
Horregatik txikitik hastea pentsatu nuen: non saldu? Ba gure online dendan zuzenean.
Halakoan, hitz egin nuen ni neu bezeroa naizen Eibarko Itxesi belardendako Jaionerekin. Ea probatzea nahi zuen. Eta ondo joan da.