Gure bigarren dohaintza

Martxoan eta apirilean 865 euroko irabazia izan du SAALDAk. Epe horretan izan ditugun salmentei kentzen dizkiogu gastuak, horrela kalkulatzen dugu irabazia, hots, dohaintza egiteko diru-kopurua.

Duela hilabete bi lehen dohaintzarekin egin genuen moduan, bezeroei eskatu nien egiteko proposamenak, esateko ea zein elkarte proposatzen zituzten bi hilabete hauetako irabazia jasotzeko.

Proposamenak jaso ostean, zerrenda bateratua osatu, bozketa-formularioa antolatu eta bat aukeratzeko eskatu nien bezeroei.

Horrela, Zaporeak elkartea izan da bezeroek aukeratu dutena. Haiei egin diegu jada martxoan eta apirilean izandako irabazien dohaintza.

Hurrengoan zeuk ere parte-hartu nahi baduzu, sartu gure online dendan eta erosi gure hezur-salda.

Mikel Lizarralde
2024-05-09

Blogeko beste artikulu batzuk:

Gure lehen dohaintza

2024-03-21

Urtarrilean eta otsailean 1.350 euroko irabazia izan du SAALDAk. Hori izan da salmentei gastuak kendu ostean geratzen dena. Eta hori da dohaintzan eman duguna.
Bezeroei galdetu genien ea zein elkarte nahi zuten babestu. Hogei bat proposamen jaso genituen. Zerrenda antolatu eta bezeroei bozkatzeko eskatu genien.
Eta, hara, espero ez nuen zerbait gertatu zen: berdinketa!
Bi elkartek jaso zituzten botu gehien eta aurreikusi barik neukan egoera honetan erabaki salomonikoa hartzea izan zen onena: dirua erdibana.

Denda berriak

2024-07-29

SAALDA proiektua martxan jarri nuenean zerbait arina egitea nahi nuen. Motxila arina. Bide luzeagoa egiteko aukera ematen didana. Batzuetan ikusten ditut enpresak non helburu bakarra haztea den: lan-taldea handiak, saltzea beste helbururik ez dutenak. Hazi, hazi eta hazi.

Ez nuen halakorik nahi.

Horregatik txikitik hastea pentsatu nuen: non saldu? Ba gure online dendan zuzenean.

Halakoan, hitz egin nuen ni neu bezeroa naizen Eibarko Itxesi belardendako Jaionerekin. Ea probatzea nahi zuen. Eta ondo joan da.