SMH – Aita Mari, gure lehen dohaintza (1/2)

Pasa den ostegunean Salvamento Marítimo Humanitario (SMH) elkarteko komunikazio teknikaria den Leire Motrikorekin egon nintzen berbetan.
SMH elkartearen jarduna pixka bat hobeto ezagutzeko balio izan zidan. Euren elkartearen ekimen ezagunena Aita Mari itsasontzia da. Ikusiko zenuen hedabideetan, Mediterraneo itsasoan migranteei laguntzen ibiltzen dira.
Elkarrizketaren biharamunean bertan lehorreratu zen Bilboko portuan Aita Mari, bere hamabigarren misioari amaiera emanaz. Une hau aprobetxatu zuten martxan izan duten crowdfunding kanpaina amaitzeko ere. Ia 50.000 euro bildu dituzte 600 pertsonatik goraren babesa jasoz.

Gure lehen dohaintza

Urtarrilean eta otsailean 1.350 euroko irabazia izan du SAALDAk. Hori izan da salmentei gastuak kendu ostean geratzen dena. Eta hori da dohaintzan eman duguna.
Bezeroei galdetu genien ea zein elkarte nahi zuten babestu. Hogei bat proposamen jaso genituen. Zerrenda antolatu eta bezeroei bozkatzeko eskatu genien.
Eta, hara, espero ez nuen zerbait gertatu zen: berdinketa!
Bi elkartek jaso zituzten botu gehien eta aurreikusi barik neukan egoera honetan erabaki salomonikoa hartzea izan zen onena: dirua erdibana.

Zer egin kristalezko potoekin?

Bezero askok galdetzen didate ea kristalezko potoak berrerabili nahi ote ditugun SAALDAn.
Nahi… nahi…
Gauza bat da etxean kristalezko potoak berrerabiltzea. Oso ondo garbitu eta kitto. Berriz erabiltzeko moduan daude.
Baina elikagaien industrian ez da horren erraza: kristalezko potoa esterilizatu egin behar da elikagaiak berriz bertan sartu aurretik. Eta esterilizatzea ez da horren erraza, ezta merkea ere.

Hidrolizatutako kolagenoa: SAALDA eta gelatina

Bezero batek galdetu zidan ea zergatik gure hezur-salda zen horren likidoa. Bere ahizpak etxean prestatzen zuela eta askoz likatsuagoa (gelatinosoagoa) geratzen zitzaiola.

Ez naiz kimikaria, beraz, zer egin nuen? Delikatetxeko Edurneri galdetu, haiekin egiten dugulako gure hezur-salda, eta hona hemen bere erantzuna:

Hasiera bat

Egia aitortuko dizut. Blog honen lehen artikuluan nondik jo erabakitzea kosta zait.

Lehen pausua.

Martxa baten lehen nota jartzen.

Bigarrena, hirugarrena eta ondorengoak…