Gaur goizean ondorengo mezua bidali diet Saaldaren newsletterra jasotzen duten bezeroei (normalean ez dut hemen argitaratzen han idazten dudana, baina gaur merezi duelakoan nago):
Bi urte bete ditu Saaldak.
2024ko urtarrilean piztu genituen Saaldaren dendaren argiak.
(Online) denda guztiz txukuna egon gabe piztu genituen lehen argi haiek. Apaletan lehen Saalda potoak jarri eta sartu zineten lehen bezeroak.
Aurrena lagunak eta ezagunak.
Ondoren hedabideetan gure berri izan zutenak etorri ziren. Ekimen xelebre hau ikusi, entzun edo irakurri zutenak.
Halakoan, gure denda singularretik pluralera pasa zen. Interneteko txoko txiki batetik, makina bat euskal herritako dendetara pasaz. Eibartik, Itxesitik, makina bat euskal herritako dendetara.
Saaldaren potoak berak kolagenoa hartu zuen eta neurri handiagora hazi zen. Oondo zihoan abentura eta Hoondoa asmatu genuen. Enbidoa txikian, gero handian eta hordagoa.
Lehen salmentak, lehen irabaziak, lehen dohaintzak.
Bi urte hauetan 772 kaxa erosi dizkiguzue, 24.200 euro pasatxo, dohaintzan 6.785 euro emanaz.
Lagundu ditugu Aita Mari SMH, Aspanogi, Zaporeak, AECMM, Izan Iñurri, Amillubi, UNRWA eta, orain, Begiris.
Lagun, ezagun eta hedabideetatik etorri zinetenek ematen diozue bizitza eta zentzua proiektu honi. Esan zuen lagunei Saalda ere bazaretela.
Biba zuek, biba gu.
Bi urte, mila esker.
Gaur hartuko dudan Saalda katilukada zuen omenez izango da, enpatia ariketa eder honen omenez.
Proiektuaren lehen hiru hilabeteetan ondorengo hedabideetan azaldu SAALDA proiektua. Aurrena Segura irratiak elkarrizketa egin zidan elkarrizketa, plazaratu eta astebetera. Ondoren etorri dira Berria egunkaria, Euskadi irratiko Faktoria saioa, Eta kitto Eibarko aldizkaria eta ETB1eko Biba zuek saioa.
Uztailaren amaieran iragarri genuen SAALDAren argazki lehiaketaren emaitzak hemen dauzkazu.
Orduan genioen moduan, zein GKE edo proiektu lagundu bezeroek aukeratzen dute. Zerbait erabakitzen utziko diguzue geuri, ezta? Argazki lehiaketa besterik ez bada ere 😉