Polita da SAALDA proiektuak bi urte betetzea dohaintza eder bat egiten elkarte miresgarri bati. Atzo egin genion 1.300 euroko dohaintza Begiris elkarteari, gure bezeroek horrela aukeratuta.
Goian aipaturiko kopurua da 2025eko azken hiruhilekoan (urria-abendua) saldutakoarekin lorturiko irabazia. Bezeroek hiru elkartea proposatu zituzten eta bozketan Begiris izan zen aukeratua. Gipuzkoako itsu edo ikusmen urritasuna duten pertsonen inklusioa sustatzen duen elkartea da Begiris. Euren webgunean ezagutu ditzakezu hobeto.
Honekin, bederatzi dira jada bi urte hauetan egin ditugun dohaintzak, guztira 6.785 euro emanaz. Hemen daukazu egindako dohaintzen zerrenda:
Aipatu moduan, bederatzigarren dohaintza da egin berri dugun hau, bi urtetan 6.785 euro emanaz. Maiz errepikatzen dudan moduan: bada zerbait. Horrela mundua toki pixka bat hobea egiten badugu, horrela irribarre pixka bat gehiago egiten badugu, ni pozik.
Gure produktu goxoak erosita proiektuaren parte izan zaitezke eta dohaintza egingo diegun elkarteak proposatu eta bozkatu ditzakezu. Erosi gure behi-hezur salda edota sukaldean egiteko hondo iluna.
SAALDAren bezeroei mezu bat bidali nien duela aste batzuk galdetzen ea animatzen ziren bidaltzera gure HOONDOA prestatutako errezetak.
Ondorengo hiru hauek dira jaso ditugun aurrenekoak:
Bezeroei galdetu nienean ea zein elkarte proposatzen zuten ikusi nuen errepikatu egiten zela laguntza jaso berri zuen UNRWA (Ekialde Hurbileko Palestinar Iheslariei Laguntzeko Nazio Batuen Agentzia). Nik neuk jarritako arauetan nioen urtebetean ezin zuela elkarte batek laguntza berriz jaso. Baina Gazan bizi duten egoera hain da gogorra eta salagarria, bozketan elkarte hau onartzea erabaki nuela.
Eta, hara, bezeroek UNRWA aukeratu zuten ia-ia aho batez. Haiei eman diegu martxoan, apirilean eta maiatzean irabazitako 300 euroak.