Babestutako bidalketak

“Internet bidez kristalezko potoetan datorren hezur salda erostea? Hori ez da osorik iritsiko etxera”. Zeuk ere horrela pentsatzen baduzu, ez arduratu, ez zara bakarra. Gehiago esango dizut, SAALDA proiektuari ekin nionean pentsatzen nuen ez zela eskari bakarra osorik iritsiko. Baina, bi urte eta erdian, 30.000 euro fakturatuta, makina bat eskariren ostean, pare bat aldiz soilik gertatu zaigu bidalketetan potoak apurtzearena. Beste bidalketa bat eginez konpondu ziren arazoak.

Zergatik iristen da SAALDAren eskaria arazo barik bezeroaren etxera?

Gure esku dauden neurri guztiak hartu ditugula horrela izan dadin.

Lehenik eta behin, erabiltzen dugun kartoia lodi xamarra da, kanpotik kolperik ez dezan jaso.

Gainera, kaxa bakoitzak daramatzan sei potoak bata bestearengandik banatuta daude kartoi bidezko banatzaile batzuk erabilita. Erlauntza izena jasotzen duen banaketa sistema honi esker kristalezko potoek ez dute bata bestearekin talka egiten.

Amaitzeko, hainbat garraio enpresa probatu ostean, ganorazko zerbitzu onena eman digunarekin jarraitzen dugu lanean.

Eta, zerbait apurtzen bada bidalketan, zer?

Apurtutakoa berriz bidali, eta kitto. Ez goaz sesioan hastera.

Hori bai, eskaria etxera eramaten dizutenean kaxa bustita dagoela ikusten baduzu, esan banatzaileari apuntatzeko ohar hori, ondoren guk erreklamazioa jarri ahal izateko, eta bidali argazki batzuk, mesedez.

SAALDAren unboxing-a

Bideo labur honetan ikusiko duzu nola iristen den SAALDA kaxa:

Mikel Lizarralde
2026-06-15

Blogeko beste artikulu batzuk:

30.000 euro fakturatuta

2026-06-02

2026 hasieran bi urte bete bagenituen, pasa den astean izan genituen salmentekin fakturatutako 30.000 euroen mugarria pasa dugu (kopuru hori BEZ gabekoa da).

Dohaintzak direla eta, orain arte 7.535 euro eman ditugu eta apiriletik gaur arte daramagun irabazia ikusita, ziurrenik zortzi mila euroak pasako ditugu ekainaren amaieran.

Newsletterra jasotzen duten bezeroei astero bidaltzen dizkiet salmenten eta irabazien datuak. Baina mugarri hau hemen idazteko moduakoa iruditu zait.

Argazki lehiaketaren emaitza

2024-09-19

Uztailaren amaieran iragarri genuen SAALDAren argazki lehiaketaren emaitzak hemen dauzkazu.

Orduan genioen moduan, zein GKE edo proiektu lagundu bezeroek aukeratzen dute. Zerbait erabakitzen utziko diguzue geuri, ezta? Argazki lehiaketa besterik ez bada ere 😉